Si ta kaloni biznesin tuaj online

Teksa prania dixhitale po bëhet më e rëndësishme se kurrë, ne shohim mënyrën se si mund ta transformojmë biznesin tuaj online.

Përfitimet e pranisë online janë bërë edhe më të qarta në vitet e fundit. Megjithëse disa biznese i kanë planet dixhitale në program, disa të tjera nuk synojnë ta ndërmarrin këtë hap: ose sepse nuk dinë se si ta bëjnë, ose thjesht sepse nuk mendojnë që biznesi i tyre mund të funksionojë online.

Në realitet, përqafimi i dixhitalizimit mund të ndihmojë pothuajse çdo organizatë – qoftë duke rishikuar operacionet, ose thjesht duke i bërë shërbimet aktuale më efikase. Me këtë në mendje, po parashtrojmë disa konsiderata për ta kaluar biznesin tuaj online.

Përkthimi i shërbimeve tuaja online

Nëse jeni një dyqan, hapja e një uebsajti për tregti elektronike mund të jetë një hap relativisht i thjeshtë. Po nëse nuk jeni në sektorin e shitjeve me pakicë? Si mund ta kaloni biznesin tuaj online nëse jeni pronari i një palestre, restoranti apo kompanie konsulence?

Përgjigjja e thjeshtë është që ju duhet të mendoni në mënyrë jokonvencionale. Gjatë krizës së COVID-19, shumë trajnerë personalë filluan të ofronin stërvitje në shtëpi nëpërmjet mjeteve të videokonferencave, si "Zoom". Nga ana tjetër, lokalet dhe restorantet kanë ofruar marrjen e ushqimeve me vete me porosi online.

Mendoni me kujdes për produktet dhe shërbimet tuaja dhe ekzaminoni se cilat mjete dixhitale dhe platforma keni në dispozicion për t'i pasqyruar ato online.

Zgjedhja e platformave të duhura online

Do të befasoheshit nga numri i bizneseve të konsulencës që mund t'i replikojnë shërbimet e tyre të bazuara te njerëzit nëpërmjet telekonferencave, duke përdorur mjete si "Zoom" ose "Microsoft Teams".

Megjithatë, ekziston një mori platformash. "Amazon" dhe "eBay" ofrojnë një pikë nisjeje të shkëlqyer për tregtinë elektronike – dhe ato përfaqësojnë një pikë të rëndësishme shitjeje, edhe për ata që tashmë e kanë dyqanin e tyre online.

Bizneset si "Deliveroo" janë ideale për restorantet që ofrojnë marrjen e ushqimit me vete. Dhe nuk mund t'i harroni pëlqimet e "Instagram" dhe "Facebook" – ku secili prej tyre ka opsione llogarie specifike për bizneset.

Mos harroni se ndërtimi i një uebsajti është shumë i thjeshtë – prandaj, një plan i mirë do të ishte integrimi i platformave të mësipërme me sajtin tuaj të personalizuar sipas nevojave të biznesit.

Kalimi i klientëve ekzistues online

Sigurisht, kalimi i biznesit tuaj online ju hap dyert e një audience të re, por gjithashtu duhet të vazhdoni të tërhiqni klientët tuaj ekzistues.

Gjithnjë e më shumë njerëz po eksperimentojnë me shërbimet e gjera online, përtej blerjeve të zakonshme… Përfitoni në maksimum nga kjo dhe inkurajojini ata më shumë duke ofruar kode zbritjesh dhe çmime të ulëta.

Informoni në media sociale dhe më pas deklarojeni edhe në buletinin tuaj informativ me email.

Si përfundim, kini parasysh se jo të gjithë janë komod me mjetet dixhitale. Bëjani sa më të lehtë njerëzve aksesin në sajtin tuaj dhe merrni parasysh se si mund t'i udhëzoni duke përdorur shërbimet tuaja online – qoftë kjo me telefon apo duke u dërguar udhëzime nëpërmjet postimit.

Mendoni në terma afatgjatë

Së fundi, teknologjia dixhitale nuk është thjesht diçka që ju ndihmon në kohë afatshkurtër. Pasi të filloni, do të zbuloni dhjetëra mënyra se si prania online mund t'i shtojë vlera biznesit tuaj në terma afatgjatë.

Biznesi online nuk ka pse i vendos në hije operacionet tuaja ditore. Ndaj, eksploroni se si pjesa dixhitale dhe fizike mund të qëndrojnë krah për krah. Investoni në talentet dhe burimet e duhura përkatësisht dhe ndërtoni një biznes që mund t'i korrë të gjitha përfitimet që ofron dixhitalizimi.

Dhe për më shumë mbështetje në lidhje me trajtimin e kërcënimeve të sigurisë që mund të cenojnë biznesin tuaj, flisni një nga këshilluesit tanë në "Vodafone".